APLning uchinchi to'purari jamoasini o'zgartirishi mumkin

 2 DEKABR, 2025, 07:36

"Kristal Pelas" hujumchisi Jan-Filipp Mateta ayni damda Premer-liga to'purarlar poygasida uchinchi o'rinda bormoqda. Faqatgina "Brentford"dan Igor Tyago va "Manchester Siti"dan Erling Xoland ko'proq gol urgan.

Transfer News Live nashrining Standard jurnalistiga tayanib xabar berishicha, Mateta katta ehtimol bilan "Kristal Pelas" bilan shartnomani uzaytirmaydi. Yozdan beri davom etayotgan muzokaralar boshi berk ko'chaga kirib qoldi.

Amaldagi shartnoma 28 yoshli Matetani 2027 yilning yarmigacha "Kristal Pelas" bilan bog'lab turadi. Bu faktni inobatga olgan londonliklar kelasi yozda forvardni sotib yuborishi kutilmoqda.