"Barselona"ning "Atletiko"ga qarshi tarkibi taxmin qilindi

 1 DEKABR, 2025, 17:42

La Liga peshqadamiga aylanib olgan "Barselona" 2 dekabr kuni tunda 3-o'rindagi "Atletiko"ni o'z maydonida qabul qiladi.

Mundo Deportivo nashri ushbu o'yin uchun kataloniyaliklarning tarkibini taxmin qildi.

Unga ko'ra, darvozada Joan Garsiya harakat qilsa, himoya to'rtligi Jyul Kunde, Erik Garsiya, Pau Kubarsi va Alexandro Baldedan iborat bo'ladi. Yarim himoya Frenki de Yong, Pedri va Dani Olmoga ishonib topshiriladi. Hujumda Rafinya, Yamal, Levandovski triosi gol urishga harakat qiladi.

Eslatib o'tamiz, ertangi o'yin tungi soat 01:00'da start oladi.