"Barsa" etakchisi oyog'ini sindirib olgani sabab kamida 2 oyga safdan chiqdi

 1 DEKABR, 2025, 15:36

Uch karra "Oltin to'p" sohibasi Aitana Bonmati Ispaniya terma jamoasi mashg'ulotlarida oyog'ini sindirib oldi.

Ispaniya qirolligi futbol federatsiyasi matbuot xizmati "Barselona" yarim himoyachisi terma jamoaning ertalabki mashg'uloti vaqtida jarohat olganini ma'lum qildi.

Bonmatiga chap kichik boldir suyagining sinishi tashxisi qo'yilgan, tez orada futbolchi "Barselona" qarorgohiga qaytadi.

ESPN xabariga ko'ra, Bonmati operatsiya qilinmasa, taxminan ikki oyni o'tkazib yuborishi mumkin. Jarrohlik amaliyoti o'tkazilgan taqdirda, futbolchining tiklanishi uzoqroq davom etadi.