Xabi Alonso Rodrigo yiqilgan vaziyatda penalti berilmaganiga munosabat bildirdi

 1 DEKABR, 2025, 13:24

"Real" bosh murabbiyi Xabi Alonso La Liga doirasidagi "Jirona"ga (1:1) qarshi o'yinda Rodrigoning jarima maydoni ichida yiqilib tushishi bilan bog'liq vaziyatga izoh berdi.

Braziliyalik futbolchining Xoel Roka bilan to'qnashuvi o'yinning 80-daqiqasida, 1:1 hisobi paytida sodir bo'ldi. Bosh hakam Rikardo de Burgos Bengoechea penalti belgilash uchun sabab ko'rmadi.

"Men bu lahzani ko'rmadim, ammo menga VAR epizodni qayta ko'rib chiqishi mumkinligini aytishdi. Bu hayratlanarli. Biz bu holatni qayta ko'rib chiqishimiz kerak. Bular o'yinni o'zgartirishi mumkin bo'lgan muhim vaziyatlar," - dedi Xabi Alonso.