Dana Uayt: "Ko'zga qo'l suqush juda kamdan-kam uchraydi, lekin ularni jiddiy jazolash kerak"

 1 DEKABR, 2025, 10:00

UFC rahbari Dana Uayt so'nggi bir yil ichida turli janglarda bir vaqtning o'zida bir nechta bahsli vaziyatlar yuzaga kelishiga sabab bo'lgan barmoqlar bilan ko'zga urish muammosi haqida gapirdi.

Uning fikricha, bu holatda texnik echimlarni izlash samarali emas, bunday harakatlar uchun qattiq jazolash amaliyoti ancha muvaffaqiyatli bo'ladi.

"Biz qo'lqoplar bilan nimadir qilishga harakat qildik va hokazo, - dedi Uayt podkast efirida. - Hozir, fikrimcha, agar jangchilarni buning uchun qattiq jazolay boshlashsa, ular ehtiyotkorroq bo'larmikinlar, degan masala turibdi... Ammo bu unchalik tez-tez sodir bo'lmaydi, aniq raqamlarni eslay olmayman, lekin bir necha ming jangga taxminan yuzta zarba... Lekin biror narsa o'ylab toparmiz. Boshqa tomondan, bu muammo hech qachon butunlay yo'qolmaydi - masalan, hakamning xatolari kabi. Hech qachon hech kimning ko'ziga barmoq suqulmaydigan qandaydir qurilmani ixtiro qilib bo'lmaydi".

Uayt, shuningdek, yaqinda Tom Aspinall va Siril Gan o'rtasida bo'lib o'tgan UFC 321 shousining asosiy jangi aynan ko'zga barmoq suqush natijasida barbod bo'lgan shov-shuvli voqeaga ham izoh berdi. "Albatta, hech kim jangning bunday yakunlanishini istamaydi. - Nazarimda, Tom biroz haddan oshirib yuborganga o'xshaydi... Divanda o'tirib, boshqa birovning ko'ziga turtilayotgani yoki nokautga uchrayotganini ko'rib, atayin qildi, yutqazib berdi, deyish oson".

Manba: olamsport.com