Mirjalol Qosimov: "Mavsumni g'alaba bilan tugatish yaxshi"

 30 NOYABR, 2025, 22:06

OKMK - "Mash'al" (2:0) uchrashuvidan keyin mezbonlar bosh murabbiyi Mirjalol Qosimov matbuot anjumanida qatnashdi.

"Chempionatimizni g'alaba bilan tugatdik. Bu kayfiyatga kayfiyat qo'shadi, lekin oson o'yin bo'lmadi. Chunki "Mash'al" ham bor kuchi bilan o'ynadi. Shogirdlarim raqibga qaraganda samarali, chiroyli o'yin ko'rsatishdi va 2:0 hisobidagi haqli g'alabaga erishdik. "Mash'al"ga keyingi bahslarda omad tilaymiz. Biz esa ta'tilga chiqamiz va ozgina dam olib, mavsumni tahlil qilishimiz kerak.

Yil davomida bizni qo'llab-quvvatlab turgan muxlislarimizga rahmat aytaman. Biz muxlislar chun o'ynaymiz. Ularga jamoamiz nomidan minnatdorchilik bildirib qolaman", - dedi Mirjalol Qosimov.