"Milan" himoyachisi jamoaning Skudetto uchun imkoniyatlari haqida fikr bildirdi

 30 NOYABR, 2025, 18:24

"Milan" himoyachisi Fikayo Tomori klubning Italiya chempionligini qo'lga kiritish imkoniyatlari haqidagi savolga javob berdi.

Milanliklar A Seriyaning 13-turida "Latsio"ni mag'lub etdi (1:0) va musobaqa jadvalida 1-o'rinni egallab turibdi. Rafael Leauning goliga Tomori assistentlik qildi.

- "Milan" skudettoni yuta oladimi?

- Jamoamiz yaxshi. Biz ahilmiz, biz jamoamiz. Mavsum endi boshlanmoqda va biz shu ruhda davom etmoqchimiz.

- Shuni orzu qilasizmi?

- Hali erta. Biz shu ruhda davom etmoqchimiz. Avval navbatdagi o'yinga e'tibor qaratamiz, keyin esa undan keyingi o'yinlarga, - dedi Tomori Sky Sport 24 bilan suhbatda.