Kovach: "Jamoa oldida shlyapamni echaman"

 30 NOYABR, 2025, 15:06

Dortmundning "Borussiya" klubi bosh murabbiyi Niko Kovach jamoasini "Bayer" ustidan qozonilgan g'alaba bilan tabrikladi. Bundesliganing 12-turidan o'rin olgan uchrashuv 2:1 hisobida yakunlandi.

"Sen 2:0 hisobida oldinda borayotgan bo'lsang va uchinchi golni urmasang, oxirida hammasi xavfli bo'lishi mumkin. Umuman olganda, biz kuchli o'yin ko'rsatdik. Birinchi bo'limda tajovuzkorroq bo'lishimiz kerak edi, ammo tanaffusdan keyin o'yinni kuchaytirdik. Jamoa oldida shlyapamni echaman", - deya Kovachning so'zlarini keltiradi Bulinews.

"Borussiya" 25 ochko bilan uchinchi, "Bayer" 23 ochko bilan to'rtinchi o'rinda bormoqda.