Laporta Arauxo haqida gapirdi

 29 NOYABR, 2025, 07:18

"Barselona" prezidenti Joan Laporta Chempionlar ligasining so'nggi turida "Chelsi"ga qarshi o'yinda qizil kartochka olgan markaziy himoyachi Ronaldu Arauxo haqida o'z fikrlarini bildirib o'tdi.

"Jamoa 10 kishi bo'lib o'ynab ham o'zini ko'rsatdi. Chetlatishning o'ziga kelsak, birinchi sariq kartochka juda qattiq bo'ldi. Men Arauxoni qo'llab-quvvatlamoqchi edim. Ronaldni ko'p tanqid qilishdi, men buni adolatsiz deb hisoblayman. U har doim maydonda borini beradi, u bizning sardorimiz. U bu qiyin lahzani boshdan kechirishi kerak - u juda hissiyotli inson. Butun jamoa yutadi va yutqazadi. Bitta aybdorni qidirish kerak emas", - dedi Laporta intervyusida.

Yaqinda OAVda Ronald Arauxo Londondagi muvaffaqiyatsizlikdan so'ng o'ziga kelishga qiynalayotgani haqida ma'lumot paydo bo'ldi.