Xamann: "Uning Rojdestvogacha vaqti bor"

 29 NOYABR, 2025, 07:00

Germaniyalik sobiq futbolchi Ditmar Xamann "Liverpul" yarimhimoyachisi Florian Virtsning qiyinchiliklari haqida gapirdi.

"Qizillar"ning yulduz yangi futbolchisi hali ham Arne Slot jamoasida o'zini topa olmadi. Yozda ingliz grandi Germaniya terma jamoasi yulduzini "Bayer"dan 125 mln evroga sotib olgandi.

"Menimcha, Virtsda Rojdestvogacha o'zini ko'rsatish uchun vaqt bor. Bu oson bo'lmaydi, chunki butun jamoa hozir yomon ishlayapti. Agar yaxshilanishlar bo'lmasa, o'ylaymanki, klub Florian bilan kelajakni muhokama qilish uchun uchrashadi. U yanvarda ketishi mumkinmi? Ha", - deya Xamanning so'zlarini keltiradi Purely Football.

Florian Virts "Liverpul" safida 16 ta o'yinda 3 ta golli uzatmani amalga oshirdi.