"MYu"ning muhim futbolchisi navbatdagi o'yingacha safga qaytadi

 28 NOYABR, 2025, 13:48

"Manchester Yunayted" hujumchisi Mateus Kunya boshidan olgan jarohatidan so'ng safga qaytishga yaqin turibdi.

26 yoshli futbolchi "Everton"ga qarshi o'yindan oldingi mashg'ulotlarda boshidan jarohat olgan. Muammo dastlab taxmin qilinganidan ko'ra jiddiyroq bo'lib chiqdi va braziliyalik "irislar" bilan o'ynamadi. Hujumchiga ehtiyot chorasi sifatida qo'shimcha dam berildi. Jurnalist Ben Jeykobsning ma'lum qilishicha, agar hammasi ko'ngildagidek ketsa, futbolchida "Kristal Pelas"ga qarshi o'yinda maydonga qaytish uchun barcha imkoniyatlar bor.

"Qizil iblislar"ning "burgutlar" bilan safar uchrashuvi yakshanba kuni Angliya Premer-ligasining 13-turi doirasida bo'lib o'tadi.