APL klubiga "Manchester Siti" futbolchisi kerak
28 NOYABR, 2025, 11:54
"Manchester Siti" yarim himoyachisi Kelvin Fillips Angliya Premer-ligasining boshqa bir vakili qiziqishlari doirasiga tushib qoldi.
29 yoshli futbolchini sobiq klubi "Lids" nishonga olgan. "Tovuslar" vakillari "shaharliklar" bilan xavbekni ijaraga olish imkoniyatini allaqachon muhokama qilishgan, deya xabar bermoqda jurnalist Jeremi Kross. Agar "Manchester Siti" inglizning haftasiga 250 ming funt (taxminan 285 ming evro) maoshining katta qismini qoplasa, kelishuv amalga oshishi mumkin.
Fillipsga Evropaning boshqa etakchi chempionatlarida ham talab bor. Joriy mavsumda "Transfermarkt" ekspertlari tomonidan 10 mln evroga baholangan Angliya terma jamoasining sobiq futbolchisi maydonda atigi 7 daqiqa o'ynadi.
