Levandovski qanday holatda "Barselona"dan ketishi mumkin ekanligini biladi

 27 NOYABR, 2025, 16:36

So'nggi haftalarda matbuot yulduz hujumchi Robert Levandovskini "Fenerbahche" bilan bog'ladi. Transfer News Live nashrining taniqli jurnalist Florian Plettenbergga tayanib xabar berishicha, Levandovski Turkiya Superligasi klubiga o'tish imkoniyatini istisno qilgan.

Levandovski yanvardagi transferga qiziqish bildirmayapti, biroq vaziyat o'zgarishi mumkinligini tushunib turibdi. Robert "Barselona" yangi hujumchi sotib olsa, kelajakdagi qarorini o'zgartirishi mumkin.

Robert Levandovski hozir 37 yoshda. Nufuzli Transfermarkt portali mutaxassislari polyakni 10 million evroga baholamoqda.