Mbappe: "Hech kim kemadan o'zini tashlamaydi"

 27 NOYABR, 2025, 16:18

Madridning "Real" klubi hujumchisi Kilian Mbappe jamoa atrofida tarqalayotgan noxush mish-mishlarga izoh berdi.

"Kemada bo'ron bo'lishi mumkin... lekin hech kim kemadan o'zini tashlamaydi. Bu yil chempionlikni qo'lga kiritish uchun barchamiz birgamiz," - deya Mbappening so'zlarini keltiradi jurnalist Fabritsio Romano.

"Real" Chempionlar Ligasi umumiy bosqichining 5-turi doirasida safarda Gretsiyaning "Olimpiakos" jamoasini mag'lub etdi. O'yin 4:3 hisobida yakunlandi. "Qaymoqranglilar" safidagi barcha gollar Mbappe hisobiga yozildi.