Luis Enrike "Tottenxem" ustidan qozonilgan 5:3 hisobidagi g'alabadan so'ng nimalar dedi?

 27 NOYABR, 2025, 12:48

"PSJ" bosh murabbiyi Luis Enrike jamoaning Chempionlar Ligasi doirasidagi "Tottenxem"ga (5:3) qarshi o'yin haqidagi fikrlari bilan o'rtoqlashdi.

"Biz xarakter ko'rsatdik. Juda og'ir o'yin, qiyin raqib. "Tottenxem" - ayniqsa, birinchi bo'limda - ajoyib o'ynadi va barcha hujumlarimizni to'sdi, himoyada ishonchli harakat qildi.

Vitinya butun jamoa bilan birga o'sib bormoqda. U o'ziga xos, noyob o'yinchi. U uchun juda xursandman, u bunga loyiq edi," - dedi Enrike UEFAga bergan intervyusida.

"PSJ" 12 ochko bilan jadvalda Londonning "Arsenal"idan (15) keyin ikkinchi o'rinda bormoqda.