EChL. "Arsenal" - "Bavariya" uchrashuvi favoriti taxmin qilindi

 26 NOYABR, 2025, 19:00

27 noyabrga o'tar kechasi EChL 5-turidan o'rin olgan "Arsenal" - "Bavariya" uchrashuvi bo'lib o'tadi.

Start hushtagi Toshkent vaqti bilan soat 01:00 da yangraydi. O'yinni italiyalik Marko Guida boshqarib boradi.

Opta superkompyuteri "Arsenal"ni ushbu qarama-qarshilikning favoriti deb hisobladi. Londonliklarning g'alaba qozonish ehtimoli 44,1 foiz, myunxenliklarning - 30,1 foiz. Durang 25,7% deb baholanmoqda.

Jamoalar so'nggi bor Chempionlar ligasining 2023/24 yilgi mavsumi chorak finalida to'qnash kelishgandi. O'shanda ikki o'yin natijasiga ko'ra "Bavariya" keyingi bosqichga chiqqan - 2:2, 1:0.

Joriy mavsumda EChLda klublar to'rttadan o'yinning barchasida g'alaba qozonib, turnir jadvalida peshqadamlik qilmoqda: "Bavariya" birinchi, "Arsenal" ikkinchi o'rinda.