"Yuventus" joriy mavsum EChLdagi ilk g'alabasiga erishdi

 26 NOYABR, 2025, 03:24

"Yuventus" Chempionlar ligasining joriy mavsumidagi ilk g'alabasini qo'lga kiritdi.

Umumiy bosqichning 5-turida Luchano Spalletti jamoasi safarda "Budyo-Glimt"ni 3:2 hisobida mag'lub etdi. Uchrashuvning 91-daqiqasida Jonatan Devid g'alaba to'pini kiritdi.

Bungacha "Yuventus" uchta durang qayd etgan - "Borussiya" D (4:4), "Vilyarreal" (2:2) va "Sporting" (1:1) hamda "Real"ga mag'lub bo'lgandi (0:1).

Turinliklar 6 ochko bilan turnir jadvalida 21-o'rinni egallab turibdi.