"PSJ" darvozaboni qishda jamoadan ketishi mumkin

 25 NOYABR, 2025, 18:48

"PSJ"ning rossiyalik darvozaboni Matvey Safonov yaqinlashib kelayotgan transferlar davrida klubini o'zgartirishi mumkin. Bu haqda Frantsiyaning mashhur L'Equipe nashri xabar berdi.

Manbaga ko'ra, "PSJ" joriy mavsumda o'yin amaliyoti yo'qligidan norozi bo'lgan Safonovning ketishiga tayyor. Xuddi shu sababdan parijliklar qarorgohini himoyachi Lukas Beraldo tark etishi mumkin. Qayd etilishicha, "PSJ" Safonov va Beraldo bilan xayrlashgan taqdirda yangi futbolchilarni sotib olmaydi.

Safonov 2024 yilning yozida "PSJ" futbolchisiga aylangandi. O'tgan mavsumda u barcha musobaqalarda 17ta o'yinda maydonga tushdi.