"Real" Niko Pas bo'yicha qaror qabul qildi

 25 NOYABR, 2025, 14:54

Madridning "Real" klubi o'z tarbiyalanuvchisi Niko Pas bo'yicha yakuniy qarorga keldi. Hozirda futbolchi "Komo" sharafini himoya qilmoqda. Ammo "qaymoqranglilar" ispaniyalikni o'z tarkibiga qaytarishni juda xohlamoqda.

Taniqli insayder Romanoning ta'kidlashicha, Pas 2026 yilning yozida "Real"ga qaytadi. U madridliklarning yaqin kelajakdagi asosiy maqsadiga aylandi.

"Real" Nikoni kelasi qishda ham o'z safiga qo'shib olishga qarshi emas. Ammo "Komo" bilan kelishish qiyin bo'ladi. Italiyaliklar Pasni kamida mavsum oxirigacha saqlab qolmoqchi.

Nikoning o'zi allaqachon "Real"ga o'tishga printsipial rozilik bergan.