Rafael Nadal Yamalga maslahat berdi

 25 NOYABR, 2025, 12:30

Madridning "Real" klubi muxlisi, sobiq tennischi Rafael Nadal Kataloniyaning "Barselona" klubi va Ispaniya terma jamoasining yulduz vingeri Lamin Yamal haqida gapirdi.

"Yamal unga har tomonlama yordam beradigan odamlar qurshovida bo'lishi kerak. U o'ylab ish qilish qobiliyatiga ega bo'lishi kerak. Ba'zan yoqimsiz bo'ladigan narsalarni tinglashni bilish kerak. Erda qolish va real dunyodan ajralmaslik kerak," - deya afsonaviy sportchining so'zlarini keltiradi Mundo Deportivo.

18 yoshli vingerning transfer narxi 200 million evroga baholanmoqda. Bu yil Yamal "Oltin to'p" uchun ovoz berishda ikkinchi o'rinni egalladi.