"Everton" bosh murabbiyi "Manchester Yunayted"ga qarshi bahsda Pikford ko'rsatgan o'yindan hayratda qoldi

 25 NOYABR, 2025, 11:18

"Everton" bosh murabbiyi Devid Moyes APL 12-turidan o'rin olgan "Manchester Yunayted"ga qarshi o'yinda jamoasi darvozaboni Jordan Pikfordni e'tirof etdi.

"Everton" safarda 1:0 hisobida raqibdan ustun keldi. Yagona golni Kirnan Dyusberi-Xoll kiritdi.

"Manchester Yunayted" hozir yaxshi holatda, shuning uchun oson o'yin bo'lmagani aniq. Darvozabonimiz juda yuqori darajada o'ynadi. Yigitlar jasorat ko'rsatishdi," - dedi Moyes matbuot anjumanida.

Eslatib o'tamiz, "irislar" 13-daqiqadan boshlab bir kishi kam bo'lib o'ynashdi.

Idrissa Geye o'z jamoadoshiga tarsaki tushirgani uchun maydondan chetlatildi.