"Manchester Yunayted" APLda ilk bor o'z maydonida ko'pchilik bo'lib o'ynagan bahsida yutqazdi

 25 NOYABR, 2025, 07:54

APL 12-turidan o'rin olgan so'nggi o'yinda "Manchester Yunayted" o'z maydonida "Everton"ni qabul qildi. "Qizil iblislar" o'n uchinchi daqiqadayoq maydonda bir kishi ko'p bo'lib oldi. Ammo kamchilik bo'lib qolganiga qaramay, "Everton" birinchi bo'limdayoq gol urdi, keyin esa o'n kishi bo'lib o'yinni g'alabagacha olib borishga muvaffaq bo'ldi.

Ma'lum bo'lishicha, "Manchester Yunayted" Angliya Premer-ligasidagi o'yinlari tarixida ilk bor o'z maydonida ko'pchilik bo'lib o'ynagan holda yutqazib qo'ydi.

Angliya chempionatining navbatdagi, o'n uchinchi turida "Manchester Yunayted" safarda "Kristal Pelas" mehmoni bo'ladi.