"Manchester Yunayted" himoyachisini ijaraga berib yuborishi mumkin

 24 NOYABR, 2025, 13:24

"Manchester Yunayted"ning chap qanot himoyachisi Diego Leon qishki transferlar davrida ijaraga ketishi mumkin.

18 yoshli futbolchi "qizil iblislar"ning asosiy jamoasida o'yin amaliyotiga ega bo'lmayapti. Jurnalist Uriel Ligt xabariga ko'ra, mankunianliklar rahbariyati agar taklif tushsa, yanvar oyida yosh paragvaylikni ijaraga berish variantlarini ko'rib chiqishga tayyor. Klubda istiqbolli qanot himoyachisi tajriba to'plashini xohlashadi.

Diego Leon "Manchester Yunayted"ga joriy yilning yozida Paragvayning "Serro Porteno" klubidan 4 mln evro evaziga ko'chib o'tgan edi. Nufuzli Transfermarkt portali futbolchining narxini 4 million evroga baholamoqda.