Bastoni Milan derbisidagi mag'lubiyat haqida fikr bildirdi

 24 NOYABR, 2025, 13:18

"Inter" markaziy himoyachisi Alessandro Bastoni jamoaning "Milan"ga qarshi derbidagi mag'lubiyatidan (0:1) keyin intervyu berdi.

"Biz parchalanib ketdik deb bo'lmaydi. O'tkazib yuborilgan golga yaxshi munosabatda bo'ldik, agar o'yinning borishini hisobga olsak, bunday bo'lmasligi kerak edi. Bizda vaziyatlar bo'ldi - faqat gol etishmadi. Bu futbol, shunaqasi ham bo'ladi.

Asosiy o'yinlardagi muammolar? Bu tasodif bo'lmasa kerak. Bugungi mag'lubiyatni adolatsiz deb hisoblayman. Umid qilamizki, kelajakda omad biz tomonda bo'ladi," - dedi Bastoni SportMediaset nashriga bergan intervyusida.

"Inter" 24 ochko bilan A Seriya turnir jadvalida to'rtinchi, "Milan" esa 25 ochko bilan ikkinchi o'rinda bormoqda.