Rodrigo "Real" safida 29 o'yindan beri gol ura olmayapti

 24 NOYABR, 2025, 08:24

Madridning "Real" klubi vingeri Rodrigo bu safar ham gol ura olmadi. Braziliyalik futbolchi La Liganing "Elche"ga qarshi o'yinida asosiy tarkibda maydonga tushdi, biroq 57-daqiqadayoq Vinisius Juniorga almashtirildi.

StatMuse xabariga ko'ra, Rodrigo "qaymoqranglilar" safida barcha musobaqalarda ketma-ket 29 ta o'yinda maydonga tushib, birorta ham gol ura olmagan. O'yinchining so'nggi gol urishi mart oyi boshiga to'g'ri keladi - o'shanda Karlo Anchelotti boshchiligidagi jamoa Chempionlar ligasida "Atletiko" bilan to'qnash kelgandi.

Qayd etish kerakki, Rodrigo har doim ham asosiy tarkibda maydonga tushavermaydi - Xabi Alonso ko'pincha uni o'yin oxiriga yaqin zaxiradan maydonga tushiradi.