Anri: "Arsenal" chempion bo'lishiga ishonchimiz komil bo'lishi kerak"

 24 NOYABR, 2025, 07:06

Londonning "Arsenal" klubi afsonaviy sobiq futbolchisi Terri Anri "Tottenxem"ga (4:1) qarshi o'yindan keyin jamoaning kelajagi haqida fikr bildirdi.

Mikel Arteta jamoasi Premer-liga turnir jadvalida ta'qibchilardan oradagi farqni 6 ochkoga etkazdi.

"Hammasi shu erda va hozir sodir bo'lmoqda - gap ilgari aytilgan jarayonga ishonishda emas. Bizda eng yaxshi tarkib bor, "Arsenal"ning ligada g'alaba qozonishiga ishonch hosil qilishimiz kerak. O'zimizni favorit deb hisoblashimiz kerak", - dedi Anri final hushtagidan keyin Sky bilan suhbatda.

"Kanonirlar" keyingi turda 2-o'rindagi "Chelsi"ga qarshi maydonga tushsa, undan oldin Chempionlar ligasida "Bavariya" bilan kuch sinashadi.