"Manchester Yunayted" A Seriya klubi bilan Zirkzee bo'yicha muzokaralar olib bormoqda

 24 NOYABR, 2025, 07:06

"Manchester Yunayted" hujumchisi Joshua Zirkzee yanvar oyida Italiyaga qaytishi mumkin.

Niderlandiyalik futbolchining transferiga "qizil iblislar" bilan muzokaralarni boshlab yuborgan "Roma" qiziqish bildirmoqda. Tomonlar ijara shartlarini muhokama qilmoqda.

Tuttomercatoweb xabariga ko'ra, bitimga rimliklar joriy mavsum yakunlariga ko'ra Chempionlar ligasiga chiqqan taqdirda kuchga kiradigan sotib olish majburiyati ham kiritilishi mumkin.

"Manchester Yunayted" bosh murabbiyi Ruben Amorim joriy mavsumda bor-yo'g'i to'rt marta Joshua Zirkzeeni maydonga tushirdi.