Laporta: «Londonga faqat g'alaba uchun boramiz»

 23 NOYABR, 2025, 16:42

Seshanba kuni "Barselona" Chempionlar ligasida "Chelsi" mehmoni bo'ladi. Bo'lajak o'yin haqida Kataloniya klubi prezidenti Joan Laporta o'z fikrlarini bildirib o'tdi.

"Londonga faqat g'alaba uchun boramiz. Bu oson bo'lmaydi, chunki "Chelsi"da ajoyib jamoa bor. Ular kuchli transferlarni amalga oshirishdi va juda muvozanatli. Lekin bizda ham ajoyib jamoa bor. Ayrim futbolchilarimiz safga qaytdi - Rafinya maydonga qaytishi bilan gol urishiga bir baxya qoldi. "Chelsi" bilan o'yinga yana bir qancha o'yinchilarimiz tayyor bo'ladi. Agar o'z darajamizni ko'rsatsak, g'alabaga umid qilishimiz mumkin," - dedi Laporta DAZN’ga.

"Chelsi" - "Barselona" uchrashuvi 25 noyabr kuni Toshkent vaqti bilan soat 01:00da boshlanadi.