«Chelsi» «Aston Villa»ning g'ayrioddiy natijasini takrorladi

 23 NOYABR, 2025, 16:18

Angliya Premer-ligasining 12-turida Londonning "Chelsi" klubi safarda "Byornli"ni mag'lub etdi. O'yin 2:0 hisobida yakunlandi.

OptaJoe xabariga ko'ra, "Chelsi" Premer-liga tarixida ketma-ket 50 ta o'yinda asosiy tarkibda 30 yoshdan oshgan futbolchilarsiz maydonga tushgan ikkinchi jamoa bo'ldi. O'tgan safar bunday holat "Aston Villa" bilan 2012 yilning sentyabridan 2014 yilning yanvarigacha bo'lgan davrda sodir bo'lgandi. Birmingem jamoasining rekordi - 59 ta o'yin.

"Chelsi" 12 turdan so'ng Angliya chempionati turnir jadvalida 23 ochko bilan 2-o'rinda bormoqda.

Entso Mareska shogirdlari keyingi turda o'z maydonida "Arsenal"ni qabul qiladi.