"Bavariya" yarim himoyachisi - 17 yoshli Karl haqida: "Hech qachon bunaqasini ko'rmaganman"

 23 NOYABR, 2025, 13:12

"Bavariya" yarim himoyachisi Aleksandr Pavlovich jamoadoshi Lennart Karl haqida gapirdi.

17 yoshli futbolchi shanba kuni Bundesligada "Frayburg"ga qarshi kechgan va myunxenliklarning irodali g'alabasi bilan yakunlangan o'yinda (6:2) gol va samarali uzatma muallifiga aylandi.

"Hech qachon bunday yosh futbolchi o'ziga bunchalik ishonganini ko'rmaganman. Karl - ajoyib futbolchi. U bilan o'ynash juda yoqimli," - deya Pavlovichning so'zlarini keltiradi jurnalist Kerri Xau.

Karl "Bavariya"ning asosiy jamoasi safida joriy mavsumda barcha musobaqalarda 14 ta o'yinda maydonga tushib, 3 ta gol urdi va 2 ta golli uzatmani amalga oshirdi.