Flik "Barsa" uchun muhim o'yinchiga aylanib borayotgan Ferminning o'yiniga baho berdi

 23 NOYABR, 2025, 13:06

"Barselona" ustozi Xans-Diter Flik Bilbaoning "Atletik" klubi ustidan qozonilgan g'alabadan so'ng (4:0) hujumkor yarim himoyachi Fermin Lopesning o'yiniga baho berdi.

22 yoshli ispaniyalik futbolchi o'yinning 48-daqiqasida gol urib, tablodagi hisobni 3:0 ko'rinishiga keltirdi.

"Fermin juda harakatchan, bu bizga katta foyda keltiradi. U har qanday vaziyatda to'pni saqlab qolishga qodir, jamoa uchun doimo bo'sh joy yaratadi. Buni kuzatish juda yoqimli. U doim gollar va samarali uzatmalarni amalga oshiradi," - deya Flikning so'zlarini keltiradi Barca Universal.

Fermin Lopes "ko'k-anorranglilar" safida joriy mavsum 12 ta bahsda 7 ta gol va 4 ta golli uzatmani o'z hisobiga yozdirib qo'ydi.