Luis Enrike 3:0 hisobidagi g'alabadan so'ng o'z fikrlarini bildirdi

 23 NOYABR, 2025, 12:42

Frantsiya chempionatining 13-turidan o'rin olgan bahsda amaldagi chempion - "PSJ" "Gavr" ustidan 3:0 hisobidagi yirik g'alabani tantana qildi. Bu natija haqida Parij grandi ustozi Luis Enrike fikr bildirdi.

"Raqibimiz yaxshi o'ynadi va bunga loyiq edi. Oson bo'lmadi. Terma jamoalar o'yinidagi tanaffus har bir o'yinchiga ta'sir qiladi. Bizga qiyin bo'ldi, chunki "Gavr" to'pni juda yaxshi nazorat qildi va vaziyatlarga ega bo'ldi," - deya ispaniyalik murabbiyning so'zlarini keltiradi L'Equipe.

Parij grandi 30 ochko to'plab, Frantsiya chempionati turnir jadvalida peshqadamlik qilmoqda. "PSJ" eng yaqin ta'qibchisidan 2 ochkoga oldinda bormoqda.