Levandovski yangilangan "Kamp Nou"dagi birinchi goldan keyingi taassurotlari bilan o'rtoqlashdi

 23 NOYABR, 2025, 09:06

"Barselona" forvardi Robert Levandovski "Kamp Nou"ga qaytganidan keyin birinchi gol muallifiga aylandi. Polshalik futbolchi shanba kuni bo'lib o'tgan Bilbaoning "Atletik" klubiga qarshi o'yinning 4-daqiqasida raqib darvozasini ishg'ol qildi. Qolgan daqiqalarda kataloniyaliklar yana 3 ta gol urib, yirik g'alabani qo'lga kiritishdi - 4:0.

"Nihoyat "Kamp Nou"ga qaytdik, biz uchun bu alohida kun. Biz juda xursandmiz va ayniqsa, o'yin boshidanoq o'zimizni ko'rsata olganimizdan xursandmiz. Bu erda birinchi golni urish - aql bovar qilmaydigan hissiyot, bundan faxrlanaman," - dedi jurnalistlar bilan suhbatda 37 yoshli hujumchi.