Allegri "Milan"ning A Seriyadagi maqsadini aytdi

 23 NOYABR, 2025, 08:18

"Milan" bosh murabbiyi Massimiliano Allegri jamoasining A Seriya joriy mavsumidagi maqsadi haqida gapirib o'tdi.

Bugun "rossonerilar" derbida "Inter"ga qarshi maydonga tushadi. Uchrashuv g'olibi tur yakunlariga ko'ra turnir jadvalida peshqadam bo'lishi mumkin.

"Mavsumni kuchli to'rtlikda yakunlaganimiz biz yaxshi o'yin ko'rsatganimizni anglatadi. Agar yanada balandroqqa ko'tarila olsak - demak, biz bunga loyiqmiz. Jadval hech qachon yolg'on gapirmaydi: yakunda eng yaxshi jamoa chempion bo'ladi," - dedi Allegri o'yin arafasida DAZN bilan suhbatda.