Arteta Gabrielning jarohati haqida ma'lumot berdi

 21 NOYABR, 2025, 23:12

Londonning "Arsenal" klubi bosh murabbiyi Mikel Arteta 27 yoshli braziliyalik himoyachi Gabrielning jarohati haqida gapirdi. Futbolchi bir necha haftaga safdan chiqdi. Futbolchi qancha vaqtni o'tkazib yuborishi qo'shimcha tekshiruvlardan so'ng ma'lum bo'ladi.

"Gabriel bir necha haftaga safdan chiqdi. Kelasi chorshanba kuni uni yana bir tekshiruvdan o'tkazamiz. Bu jiddiy zarba, ammo bizda ajoyib variantlar bor - futbolchilar boshqacha harakat qilishlariga to'g'ri keladi," - deya Artetaning so'zlarini keltiradi futbol insayderi Fabritsio Romano.

Kelayotgan haftada "Arsenal" APLda "Tottenxem" va "Chelsi" bilan o'ynaydi. Chempionlar Ligasida "kanonirlar" "Bavariya" bilan kuch sinashadi.