Yamal: "Men 2026 yilda hamma narsani yutmoqchiman"

 21 NOYABR, 2025, 08:24

"Barselona" vingeri Lamin Yamal jamoaviy va individual muvaffaqiyatdan birini tanlay olmadi. 18 yoshli futbolchi "Oltin to'p" sohibiga aylanishi, shuningdek, "ko'k-anorranglilar" bilan La Liga va Chempionlar Ligasida, Ispaniya terma jamoasi bilan jahon chempionatida g'olib chiqishi mumkinligini aytdi.

"Men 2026 yilda barchasini birdaniga yutib olishni xohlayman va buning iloji borligini bilaman," - dedi Kataloniya grandining yosh yulduzi.

Eslatib o'tamiz, joriy yilda Lamin Yamal "Oltin to'p" so'rovnomasida "PSJ" vakili Usmon Dembeledan keyin ikkinchi o'rinni egallagan edi. Xans-Diter Flik jamoasi La Ligada zafar quchgan bo'lsa, Chempionlar Ligasida yarim finalgacha etib bordi.