Karrager: "Liverpul" yanvarda himoyachi sotib olishi kerak"

 21 NOYABR, 2025, 05:24

"Liverpul"ning taniqli sobiq futbolchisi Jeymi Karragerning fikricha, qishki transferlar vaqtida Arne Slot jamoasini kuchaytirish kerak.

"Qizillar" o'tgan yozda yangi futbolchilar uchun katta mablag' sarfladi, ammo mablag'ning asosiy qismi hujum chizig'ini kuchaytirishga yo'naltirildi.

"Liverpul" yanvarda yangi futbolchi sotib olishi kerak. Ularga markaziy himoyachi kerak," - deydi Sky Sports eksperti Jeymi Karrager.

Mersisaydliklar Mark Gexiga bo'lgan qiziqishni saqlab qolmoqda. "Kristal Pelas" sardorini qo'lga kiritishga urinishlar yozda boshlangan edi, biroq kelishuv barbod bo'ldi.