Montella: "Italiya jahon chempionatiga borish uchun maksimal darajada harakat qilishi kerak"

 21 NOYABR, 2025, 05:00

Italiya terma jamoasi jahon chempionati final bosqichiga chiqish uchun pley-off o'yinlarini o'tkazishiga to'g'ri keladi. Italiyalik mutaxassis Vinchentso Montella vaziyatga o'z bahosini berdi.

"Futbol oldindan aytib bo'lmaydigan bo'lib qoldi, hatto Malta yoki Farer kabi kechagi autsayderlar ham ochko to'plashmoqda, g'alaba qozonishmoqda. Italiya maydonda borini berishi kerak, ayniqsa, hal qiluvchi bahsda Uels bilan uning maydonida o'ynashga to'g'ri kelsa. Men nima haqida gapirayotganimni bilaman, chunki men u erga borganman, o'z uyida Uels terma jamoasi ancha kuchli o'ynamoqda," - deya Montellaning so'zlarini keltiradi derbyderbyderby.it.

Hozirda Montella Turkiya terma jamoasiga ustozlik qilmoqda.