Golovin "Real" va "Barselona"ga ketishga tayyor

 20 NOYABR, 2025, 16:36

"Monako" yarimhimoyachisi Aleksandr Golovin klubini o'zgartirishga tayyor bo'lish shartini aytdi. Golovinning so'zlariga ko'ra, u "qizil-oqlar"ni faqat super jamoa uchun tark etadi.

"Agar to'g'ridan-to'g'ri "Real" yoki "Barselona" kabi super jamoa murojaat qilsa, men bunday qadam tashlashga tayyorman. "Borussiya," "Nyukasl" murojaat qildi. Men bundan ma'no ko'rmadim", - dedi Golovin "Match TV" efirida.

Aleksandr Golovin "Monako"da sakkizinchi mavsumni o'tkazmoqda. Rossiyalik "qizil-oqlar" safida 241 ta rasmiy o'yin o'tkazib, 36 ta gol va 40 ta golli uzatmani o'z hisobiga yozdirib qo'ygan.