"Liverpul" Semenoning tovon pulini to'lashga tayyor

 20 NOYABR, 2025, 12:18

"Bornmut" vingeri Antuan Semeno faoliyatini "Liverpul"da davom ettirishi mumkin. Bu haqda Indykaila News xabar berdi.

Manbaga ko'ra, "Liverpul" "Bornmut"ga Semenoni 73,5 mln evroga sotib olish bandini faollashtirish istagini bildirgan. "Giloslar" tovon puli miqdori haqidagi ma'lumotlar ochiq e'lon qilinganidan norozi. Shu bilan birga, "Bornmut" Semenoning ketishi muqarrar bo'lsa, transfer oynasining dastlabki ikki haftasida uning transferini yopmoqchi. Vingerning o'zi jamoani tark etib, Chempionlar ligasi darajasidagi klubga o'tishni istamoqda.

Joriy mavsumda 25 yoshli Semeno barcha musobaqalarda 12 ta o'yinda maydonga tushib, 6 ta gol urdi va 3 ta golli uzatmaga mualliflik qildi.