"Inter" turkiyalik yulduzi bo'yicha qaror qabul qildi

 20 NOYABR, 2025, 08:36

Milanning "Inter" klubi yarim himoyachisi Hakan Chalxano'g'li qishki transfer oynasida klubni tark etmaydi.

Yanvar oyida 31 yoshli futbolchining ketishi mumkinligi haqidagi mish-mishlar haqiqatga to'g'ri kelmaydi: "neradzurrilar" xavbekni qo'yib yubormaydi, chunki u murabbiy Kristian Kivu uchun juda muhim. Shu bilan birga, insayder Fabritsio Romanoning yozishicha, yaqin ikki-uch oy ichida "Inter" bosslari turk bilan kelajakni muhokama qilishni boshlaydi - shartnomani uzaytirish ham, yozda xayrlashish ham mumkin.

Hakan Chalxono'g'lining amaldagi shartnomasi 2027 yilgacha mo'ljallangan. Transfermarkt portali futbolchining narxini 25 mln evroga baholamoqda.