Akanji "Inter" ustozi Kivuning saviyasini baholadi

 20 NOYABR, 2025, 06:48

Milanning "Inter" klubi markaziy himoyachisi Manuel Akanji jamoa bosh murabbiyi Kristian Kivu haqida qanday fikrda ekanini aytdi.

"Kivu hali yosh, lekin menga uning jamoa va xodimlar bilan qanday ishlashi, biz bilan qanday muloqot qilishi yoqadi. Albatta, Kristian hali ko'p narsani o'rganishi kerak, ammo uning ortida muvaffaqiyatli futbolchilik faoliyati bor - o'ylaymanki, u bundan, shuningdek, boshqa yaxshi murabbiylar bilan birga ishlash tajribasidan ilhom olishi mumkin. Ko'ramiz, uning faoliyati qanday kechadi", - deya Akanjining so'zlarini keltiradi SportMediaset.

"Inter" A Seriya 11-turidan keyin 24 ochko bilan musobaqa jadvalida peshqadamlik qilmoqda.