Livakovich yanvarda "Jirona"ni tark etishi mumkin

 20 NOYABR, 2025, 06:36

"Jirona"ning xorvatiyalik darvozaboni Dominik Livakovich qishki transferlar davrida jamoani tark etishi mumkin. Bu haqda jurnalist Ekrem Konur ma'lum qildi.

Manbaga ko'ra, 30 yoshli Livakovich Xorvatiya terma jamoasining birinchi raqamli futbolchisi bo'lib qolish uchun ko'proq o'yin amaliyotiga ega bo'lishni istamoqda. Zagrebning "Dinamo," "Bolonya," "Maynts" va "Betis" klublari uning holatini kuzatib bormoqda.

Aytish kerakki, Livakovichning shartnomasi "Fenerbaxche"ga tegishli, "Jirona"da esa u ijara asosida to'p tepadi. Ispaniya jamoasi tarkibida darvozabon birorta o'yin o'tkazmadi.