"Chelsi" Ryudigerni jamoaga qaytarishga tayyor

 19 NOYABR, 2025, 23:12

Londonning "Chelsi" klubi "Real" rejalariga kiritilmagan markaziy himoyachi Antonio Ryudigerni G'arbiy Londonga qaytarishga harakat qilmoqda. Bu haqda Football London xabar berdi.

Manbaga ko'ra, "aristokratlar" rahbariyati jamoaga yoshi katta, tajribali futbolchi qo'shilsa, yaxshi namuna ko'rsatib, qiyin vaziyatlarda etakchilik qila olishiga ishonishmoqda.

Bu Tyago Silva 35 yoshida "Chelsi"ga qo'shilganda bajargan vazifaga o'xshash rol bo'ladi.

32 yoshli Ryudiger kelasi yozda erkin agentga aylanishi kutilmoqda.