Stiv Maklaren Yamayka terma jamoasini tark etdi

 19 NOYABR, 2025, 15:36

Yamayka terma jamoasi bosh murabbiyi Stiv Maklaren jamoani tark etish qarorini e'lon qildi, deb xabar beradi The Athletic.

Maklaren Yamaykani Jahon chempionatiga olib chiqa olmadi. Uning jamoasi guruhdagi so'nggi o'yinida Kyurasao bilan 0:0 hisobida durang o'ynadi va endi 2026 yil mart oyida bo'lib o'tadigan qit'alararo pley-off bosqichida yo'lini davom ettiradi.

64 yoshli murabbiy ilgari "Tvente", Angliya terma jamoasi va "Midlsbro"da ishlagan, shuningdek, "Manchester Yunayted"da Aleks Fergyusonning yordamchisi bo'lib ishlagan. Maklaren oxirgi lavozimini 2024 yildan beri egallab kelgan edi.

Yamayka oxirgi marta Jahon chempionatida 1998 yilda o'ynagan.