Tirni: "Hayotimdagi eng yaxshi o'yinlardan biri"

 19 NOYABR, 2025, 12:54

Jahon chempionati - 2026 saralash bosqichi doirasida Shotlandiya terma jamoasi o'z maydonida Daniya ustidan 4:2 hisobida g'alaba qozondi. Mezbonlar himoyachisi Kiran Tirni uchrashuvdan olgan taassurotlari bilan o'rtoqlashdi.

"Bu hayotimdagi eng yaxshi o'yinlardan biri bo'ldi. Biz hammamiz g'alabaga loyiq edik. Golim chiroyli chiqdi, keyin Kenni yana gol urib, vaziyatni yumshatdi. Ajoyib oqshom," - deya futbolchining so'zlarini keltiradi UEFA matbuot xizmati.

Shotlandiya terma jamoasi 13 ochko bilan guruhda birinchi o'rinni egalladi va 2026 yilgi jahon chempionatiga yo'l oldi. Daniya 11 ochko jamg'arib, 2-pog'onadan pley-offga yo'l oldi.