Islom birdamligi o'yinlari. O'zbekistonda 13 ta medal, shulardan to'rttasi oltin! (barcha natijalar bitta sahifada)

 19 NOYABR, 2025, 01:48

O'zbekistonlik sportchilar 18 noyabr kuni o'tkazilgan bellashuvlarda 4 ta oltin, 4 ta kumush va 5 ta bronza medallarini qo'lga kiritishdi.

Musobaqada qatnashayotgan o'zbekistonlik sportchilarning ishtirokiga oid yangiliklarni ushbu sahifa orqali kuzatib borishingiz mumkin bo'ldi.

1:10. Engil atletikaning o'nkurash (ko'pkurash) yo'nalishida ishtirok etgan yigitlarimiz ham musobaqani medal bilan tugatishmoqda: Nodir Norboev oltin, Zahiriddin SHokirov esa kumush medalga ega chiqdi!

23:30. Engil atletikaning bosqon uloqtirish yo'nalishida qatnashgan Zarinaxon Nosirjonova 61,69 metr natija bilan bronza medaliga sazovor bo'ldi. 

23:15. Engil atletikachimizdan OLTIN!!! Balandlikka sakrash yo'nalishida Amir Nagaev 2,15 metr natija ko'rsatdi va oltin medal sohibiga aylandi!

22:48. Qilichbozimiz Sevara Rahimova finalda turkiyalik raqibasiga imkoniyatni boy berdi. Yana bir KUMUSH!

22:30. Qilichbozlikda yana bir medal: Ilyas Molina turkiyalik raqibiga 14:15 hisobida alamli tarzda yutqazdi. KUMUSH!

22:00. Qilichbozimiz SHahzoda Egamberdieva yarim finalda turkiyalik raqibasiga yutqazdi va bronza medaliga sazovor bo'ldi. 

21:15. Qilichbozlikda o'zbekcha derbi yakunlandi. Rapirachi yigitlarimiz o'rtasidagi bahsda Ilyas Molina Radmir Semeneevni mag'lub etdi va finalga chiqdi. Radmir esa musobaqani bronza medali bilan yakunlaydigan bo'ldi.

21:10. OLTINNN!!! Engil atletikaning uch xatlab sakrash dasturida Ibrohim Mahkamov 16,74 metr natija bilan chempionlik unvoniga sazovor bo'ldi. 

20:35. -77 kg vaznli yunon-rum kurashchimiz Abdullo Aliev bronza uchun kechgan jangda ozarbayjonlik raqibini taslim etdi. Yana bitta bronza!

20:10. Yunon-rum kurashchimiz Aytjan Xalmaxanov bronza uchun kechgan jangda qatarlik raqibini mag'lub etdi va sovrindorga aylandi. 

19:51. OLTINNNN!!! Alisher G'aniev yunon-rum kurashida (-60 kg) chempionlikni qo'lga kiritdi. U finalda turkiyalik raqibini mag'lub etdi.

19:35. 400 metrga yugurish saralashida Jonbibi Hukmova 54.99 soniya natija ko'rsatdi va afsuski finalga chiqa olmadi. 

Yunon-rum kurashchilarimizning kechki dasturdagi raqiblari: 

-67 kg: Aytjan Xalmaxanov – Aref Muhammadi (Qatar) (bronza)

-77 kg: Abdullo Aliev – Ulvu Ganizade (Ozarbayjon) (bronza)

-60 kg: Alisher G'aniev – Erek O'zturk (Turkiya) (oltin)

17:00. Soat 19:30 dan boshlab yunon-rum kurashida medallar uchun bellashuvlar boshlanadi. 

16:15. Para engil atletika. Disk uloqtirish bahslarida Yorqinbek Odilov 46.26 metr natija bilan ikkinchi bo'ldi va kumush medalga ega chiqdi. 

16:00. Qilichboz qizlarimiz saralashdagi ishtiroklarini boshlashdi. 

Yunon-rum kurashchilarimiz yarim final janglarini o'tkazishdi:

77 kg, 1/2 final. Abdullo Aliev 0:6 Amir Abdi (Eron)

60 kg, 1/2 final. Alisher G'aniev 8:0 Ali Vafa (Eron)

67 kg, 1/2 final. Aytjan Xalmaxanov 0:9 Said Leivesi (Eron)

13:33. Abdullo Aliev (77 kg) va Aytjan Xalmaxanov (67 kg) yarim finalga yo'l olishdi. Aliev bu yo'lda afg'onistonlik Gul Nurini 11:0, Xalmaxanov esa Turkiya vakili Mustafa Yildirimni 5:2 hisobida mag'lubiyatga uchratdi.

13:18. Yunon-rum kurashchilarimiz ham musobaqadagi yurishini boshlashdi. 77 kg vaznli Abdullo Aliev nimchorak final bosqichida Saudiya Arabistoni vakili Hassan Barnavini 5:0 hisobida mag'lub etdi. Jalgasbay Berdimuratov (87 kg) qirg'izistonlik Asan Janeshovga imkoniyatni boy berib qo'ydi. SHuningdek, 60 kg vazndagi Alisher G'aniev chorak final bosqichida ozarbayjonlik Nihat Mammadlini musobaqadan chiqarib yubordi — 3:0.

13:15. O'nkurash dasturida disk uloqtirish bellashuvlari ham yakunlandi. Bahslarda Zahriddin SHokirov 44.31 m bilan birinchi, Nodir Norboev esa 42.43 m natija bilan ikkinchi bo'ldi.

12:12. Engil atletikaning erkaklar o'rtasida o'nkurash dasturi doirasida 110 m masofaga to'siqlar osha yugurish bahsi yakunlandi. Unda Nodir Norboev 14.72 soniya bilan bir, Zahriddin SHokirov esa 15:02 soniya bilan ikkinchi natijani qayd etdi.

12:09. Rapirachilar Ilyas Molina va Radmir Semeneev dastlabki bahslarini o'tkazishdi. Molina 2 ta jangda 2 ta g'alaba, Semeneev esa 1 ta g'alaba va 1 ta mag'lubiyat qayd etdi.

— — — — — 

Bugun musobaqada ishtirok etadigan o'zbekistonlik sportchilar ro'yxati: 

QILICHBOZLIK

11:00. Radmir Semeneev — rapira yakkalik, saralash

11:00. Ilyas Molina — rapira yakkalik, saralash

15:00. Sevara Rahimova — shpaga yakkalik, saralash

15:00. SHahzoda Egamberdieva — shpaga yakkalik, saralash.

YUNON-RUM KURASHI

12:00. 77 kg, 1/8 final. Abdullo Aliev — Barnovi X (Saudiya Arabistoni)

12:30. 87 kg, 1/8 final. Jalgasbay Berdimuratov — Janeshov A (Qirg'iziston)

12:35. 60 kg, 1/4 final. Alisher G'aniev — Madi L. (Kamar orollari) yoki Mammadli L. (Ozorbayjon)

13:15. 67 kg, 1/4 final. Aytjan Xalmaxanov — Vildirim M. (Turkiya).

ENGIL ATLETIKA

12:00. Nodir Norboev — (o'nkurash) 110m g'ovlar osha yugurish, 1500m, disk uloqtirish, langar cho'pda sakrash, nayza uloqtirish

12:00. Zahriddin SHokirov — (o'nkurash) 110m g'ovlar osha yugurish, 1500m, disk uloqtirish, langar cho'pda sakrash, nayza uloqtirish

13:25. Jonbibi Hukmova — 400 m, saralash

20:05. Ibrohim Mahkamov — uch hatlab sakrash, final

22:00. Nurxon Ochilova — 400 m g'ovlar osha yugurish, final

22:05. Amir Nagaev — balandlikka sakrash, final

22:10. Hasanbek Rustamjonov — 400 m g'ovlar osha yugurish, final

22:30. Zarina Nosirjonova — bosqon uloqtirish, final

22:40. Dilshoda Usmonova — 3000 m, final

23:30. Doston Rajabov — yadro uloqtirish, final

23:35. Abbosbek Toshtemirov — 400 m, saralash

00:55. Laylo Allaberganova — 100 m, saralash va final.

PARA ENGIL ATLETIKA

13:15. Yorqinbek Odilov — disk uloqtirish F57, final

13:15. Ilxom Turg'unov — disk uloqtirish F57, final.

Manba: olamsport.com