"Fulxem" murabbiyga uzoq muddatli shartnoma taklif qildi

 18 NOYABR, 2025, 16:06

Londonning "Fulxem" klubi jamoa ustozi Marku Silva bilan shartnomani uzaytirishga bel bog'lagan. Bu haqda BBC xabar bermoqda.

Manbaga ko'ra, Silvaga "Fulxem" bilan kelishuvni uzoq muddatga uzaytirish taklifi klub xo'jayini Shahid Xon bilan so'nggi xalqaro tanaffus vaqtida o'tkazilgan muzokaralardan so'ng berilgan.

Shartnoma muddati 3 yilni tashkil etadi. Klub Silvaning klubdagi faoliyatini uzaytirishni maqsad qilgan, chunki mutaxassisning amaldagi shartnomasi kelasi yozda o'z nihoyasiga etadi.

Silva so'nggi paytlarda bir qator jamoalarda, jumladan, Saudiya Arabistonida ham qiziqish uyg'otgan. Klubning kamtarona natijalariga qaramay, u 4 yildan beri u bilan ishlaydi.