Tchuameni: "Anchelottining penalti tepishni mashq qilish befoyda degan fikriga qo'shilmayman"

 18 NOYABR, 2025, 15:30

"Real" klubi va Frantsiya terma jamoasi yarimhimoyachisi Orelen Tchuameni nima uchun mashg'ulotlarda penalti tepishni muhim deb bilishini tushuntirdi.

- Anchelottining fikricha, penaltini mashq qilish befoyda, chunki sharoitlarni takrorlashning iloji yo'q.

- Murabbiy fikriga qo'shilmayman. Aytaylik, sharoitlarni qayta tiklashning iloji yo'q, lekin men uchun bu harakat xotirasi. Agar siz har kuni darvoza ustuniga yaqinroq bo'lgan o'ng burchakka penalti tepishni mashq qilsangiz, aminmanki, jahon chempionati finalida penalti tepishingiz kerak bo'lgan kuni hech qachon zarba bermaydigan futbolchidan ko'ra uni amalga oshirish imkoniyatingiz ko'proq bo'ladi", - dedi Tchuameni.