"PSJ" Alvares uchun kurashga qo'shildi

 17 NOYABR, 2025, 17:12

"Pari Sen-Jermen" Madridning "Atletiko" klubi hujumchisi Xulian Alvares transferini faol o'rganmoqda.

Jurnalist Sasha Tavolerining ma'lum qilishicha, parijliklar bir necha haftadan beri ehtimoliy transfer shartlarini tahlil qilmoqda, futbolchining o'zi esa Luis Enrike qo'l ostiga o'tish g'oyasiga ijobiy qaramoqda. "PSJ" bosh murabbiyi argentinalik futbolchiga yuqori baho bermoqda va 25 yoshli forvard uning hujum modeliga juda mos keladi, deb hisoblamoqda.

Manbaga ko'ra, "Atletiko" taxminan 120 mln evrolik taklif bo'lsa, Alvaresni sotishga tayyor. U joriy mavsum La Ligada 12 ta o'yinda 7 ta gol va 2 ta golli uzatmani o'z hisobiga yozdirib qo'ydi.